Bibiliya, cyane cyane mu Isezerano rya Kera, igaragaza igitekerezo cy’uko Imana « IRIHO » aho kuba « IBAHO ».
Ibi bigaragarira muri rimwe mu magambo azwi cyane yavuze:
« NDI UWO NDIWE »(Kuva 3:14), aho Imana yigaragarije Mose, ikigaragaza mu magambo yerekana kubaho iteka, kuzuye kudashingiye kubindi byose.
Iyi nteruro yerekana ko Imana idasobanurwa n’intangiriro cyangwa iherezo, ariko ko IRIHO muri Yo ubwayo, irengeye ibihe n’umwanya.
Muri Bibiliya, Imana ikunze gusobanurwa nk’isoko y’ibintu byose bibaho.
Ntabwo Imana iriho gusa, ahubwo ni nayo yaremye byose.
Kurugero, mu gitabo cya Yohana (1:1), handitswe ngo: « Mbere na mbere hariho Jambo; Jambo uwo yahoranye n’Imana kandi Jambo yari Imana. »
Hano, igitekerezo cy’Imana kirenze igikorwa cyoroshye cyo kubaho; Imana niyo shingiro ry’ibintu byose tubona.
Igitekerezo kivuga ngo « Imana iriho » aho kuba « ibaho » gifite ingaruka zikomeye ku kwizera kwa gikristo ndetse no muburyo abizera babaho mubuzima bwabo bwa buri munsi.
Uku kuri kuduhamagarira kumva ko Imana atari ikintu cya kure cyangwa igitekerezo kidafatika, ahubwo ko ibana natwe mu buzima bwacu bwa buri munsi.
Dore bimwe mu bisobanuro by’ukuri:
1. Imana ihoraho:
Niba Imana « iriho, » bivuze ko ihora ihari, ahantu hose na buri gihe.
Uku gusobanukirwa kutwibutsa ko tutigera tuba twenyine.
Mu kwizera kwacu, ibi bidusaba gushaka umubano uhoraho na Yo, gusenga, gutekereza, no kubaho imbere yayo, tuzi ko ihora ihari, mu buzima bwacu bwa buri munsi.
2. Imana irengeye ibihe:
Imana, kuba itagengwa n’ibihe, iraduhamagarira gufata imyumvire yagutse kubuzima bwacu.
Ibibazo duhura nabyo birashobora kuba iby’igihe gito, ariko Imana yo ihoraho.
Ibi bidufasha kudaha agaciro ibigeragezo mu bitekerezo no kugira ibyiringiro, tuzi ko Imana ikora ibyiza by’iteka, ndetse n’iyo turi mu bibazo.
3. Kwiringira Imana no kuyiyegurira:
Tumaze gusobanukirwa ko Imana « iriho » kandi ko idakeneye kwemezwa cyangwa kugarukira ku bitekerezo by’abantu, tuba dukwiriye kuyizera.
Uku kuri kudutera kwiringira ubwenge bwayo no kwemera ubusugire bwayo, n’ubwo tutumva byose.
Imana ntabwo ikora ikurikije ibyo tuyitegerejeho cyangwa gusobanukirwa kwacu, ahubwo ikurikiza ubushake bwayo butunganye.
4. Umubano wacu nayo ushingiye ku « kubaho » ntabwo ushingiye kubintu bifatika:
Niba Imana iriho, bivuze ko kwizera kwacu kudashingiye gusa kubyabaye kera cyangwa ku bimenyetso bigaragara, ahubwo bishingiye ku kuri k’UKUBAHO kw’Imana.
Umubano wacu n’Imana ugomba kuba uw’umuntu w’imbere, ugaburirwa no gusabana byimazeyo n’Uhoraho, uhoraho kandi uhora hafi yacu.
5. Guhinduka mu mwuka:
Gusobanukirwa ko Imana « IRIHO kandi IHORAHO » bisobanura ko ukuhaba kwayo kugomba kuduhindura.
Niba Imana ari ukuri kuzima kandi kutagaragara, ibi bigomba kugira ingaruka mu buryo dukora, dutekereza, cyangwa tubaho buri munsi.
Tugomba kwerekana ukubaho kw’Imana mu buzima bwacu, mu gukunda bagenzi bacu, mu gukora ubutabera, mu guharanira amahoro, no mu gushaka kubaho dukurikiza amahame y’Imana.
Muri make, kumenya ko Imana « IRIHO » aho kuba « IBAHO » gusa bihindura imibanire yacu nayo nuburyo tubaho.
Ibi biduhamagarira kwizera kwimbitse, mu buzima burushijeho kumenya ko ahari kandi dufite ibyiringiro birenze ibihe bya hafi byo kubaho kwacu.
ISENGESHO:
Uwiteka Mana yacu, duhe kubaho tuzi ko uhari kandi uhorana natwe mu buzima bwacu.
Ni mu izina ry’agaciro ry’umwana wawe Yesu Kristo tubisabye, Amen.
Intumwa Jean-Claude SINDAYIGAYA