Ese hari abantu wiringiye? Niba ubikora, uribeshya, kuko uzumirwa. Ndetse n’Imana yacu iratugira inama yo kutiringira abantu.
Uku ni ko Uwiteka avuga ati « Havumwe umuntu wiringira undi muntu akishima amaboko ye, mu mutima we akimūra Uwiteka. »(Yeremiya 17:5)
Hariho itandukaniro hagati yo kwiringira Uwiteka no kwiringira abana b’abantu kandi umutima ukimura Uwiteka.
Abiringira Uwiteka rwose bazahabwa imigisha myinshi. Ariko abiringira abantu « baravumwe ».
Kuki tutagomba kwiringira abantu?
Icya mbere n’uko abantu badutenguha:
Benshi baba bashaka inyungu zabo gusa. Kandi niyo imigambi yabo yaba ari myiza, ntibahora bashobora kuduha ibyo dukeneye no kudufasha mugihe turi mubibazo.
Ariko Imana ishobora byose kandi ni iyo kwizerwa rwose!
Impamvu ya kabiri ni uko guhindukirira Imana kugira ngo twiringire umuntu bibabaza cyane Imana:
Ibi birerekana ko tutamwizeye rwose. Tuvuye ku Mana, twe abantu ntidushobora gutera imbere no kwibonera amahoro n’umunezero.
ISENGESHO:
Uwiteka Mana yacu, duhe kutigera twizera abantu.
Ni mu izina ry’agaciro ry’umwana wawe Yesu kristo tubisabye, Amen.
THE LION OF JUDAH MINISTRY IN THE WORLD©
thelionofjudahmission@gmail.com
☏: +250730900900
KIGALI – RWANDA