Abantu barahinduka, ibihe birahinduka, kandi n’ubufasha bw’abantu burahinduka.
Ariko muri ivyo bihe bishobora gutuma duhungabana, ukuri kumwe kudashobora guhinduka n’uku: Imana igumana natwe.
Mu rugendo rwacu, Imana iduhitamwo abantu badufasha. Abo bantu barashobora kutwugururira amarembo, kudufasha kwikorera imitwaro, no kudushigikira mu rugendo rwacu.
Ariko nta n’umwe muri bo ari ntayegayezwa ku mugambi w’Imana. N’ibikoresho, s’isoko.
“Yesu Kristo uko yar’ ar’ ejo, n’uyu musi ni kw akiri, ni kw azokwama ibihe bidashira.” (Abaheburayo 13:8)
Mumenye ibi: nimba Imana yemeye ko umuntu yigeze kugufasha aguheba, ntibisobanura ko ata wundi ashobora gufata uwo mwanya. Imbere y’uko uwo muntu aguheba, Imana iba yamaze gutegura uwundi muntu afata uwo mwanya.
Ijuru ntirikorera mu buryo bw’impanuka.
“Ikintu cose cashingiwe igihe caco, kand’ igikorwa cose musi y’ijuru gifise akanya kaco.” (Umusiguzi 3:1)
Iy’ubufasha bw’umuntu burangiye, s’uguhagarika gusa, ahubwo n’ihinduka ry’igihe. Imana ntiyokwugara urugi ituguruye urundi.
Ico wumva nk’igihombo kenshi kiba ari intangi y’urugendo rw’igihe gishasha.
Yosefu yarabibonye. Yashigikiwe n’umurinzi wa gereza, hanyuma afashwa n’umusirikare. Igihe uwo musirikare amwibagira, Imana yo ntiyari yamwibagiye. Uburyo abantu bamwihojeje bwategura ijwi rya Farawo. Igikoresho carahindutse, ariko umugambi w’Imana warabandanije.
“Maze Farawo atuma guhamagaza Yosefu, bamuturumbura mw ibohero n’ingoga…”
(Itanguriro 41:14)
Imana ikora kimwe nk’uko yakoze kuri Mose.
Igihe inzu ya Farawo yiyugara, Imana yuguruye inzu ya Yetiro. Igihe inkunga imwe ibura, indi iraboneka, akenshi ahantu utari witeze.
“Uwiteka ni umwungeri wanje; sinzakena.”
(Zaburi 23:1)
Hari igihe Imana yemera ko umuntu adusiga ngo idusubize ku kuri: kwizera kwacu gukomeye ntikugomba gushingira ku muntu. Ikuraho igikoresho kimwe kugira ngo ibungabunge ukwizera kwacu kandi ituyobore ku kwishingikiriza cyane kuri Yo.
> “Uwizera Uwiteka ashimwa.”
(Yeremiya 17:7)
Nuko rero, igihe umuntu akureka, ntukagume aho. Imana irahari.
Igihe ubufasha burangiye, ntukacike intege. Imana yari imaze gutegura uwundi muntu wo gufata uwo mwanya.
Igihe ikindi gihe kirangiye, ntukibe n’ihungabana. Ukuboko kw’Imana ntikigeze kuva mu buzima bwawe.
> “Uwabereye neza igikorwa ciza muri mwe, azokirangiza.”
(Abafilipi 1:6)
IGISABISHO:
Mwami,
Igihe ubufasha bw’abantu bubura,
mfasha kwibuka ko waramaze gutegura uwundi muntu wo gufata uwo mwanya.
Nyigisha kwizera ukwizera kwawe kuruta kwizera abantu.
Kuko n’iyo vyagenda bite, WIRAHARI.
Amen.
Intumwa Dr Jean-Claude SINDAYIGAYA