Benshi barareba inyuma mu buzima bakavuga bati: “Iyo mbimenya…”
Bibiliya igaragaza ko iki cyiyumvo cyo kwicuza kitari gishya, ariko ko gishobora kuba inzira yo kugera ku buntu bw’Imana.
Adamu na Eva bariye ku mbuto ibujijwe maze basanga bagize isoni n’ubwoba. Adamu yavuze ati:
“Numvise imirindi yawe muri iyi ngobyi, ntinyishwa n’uko nambaye ubusa, ndihisha.”(Itangiriro 3:10)
Mu yandi magambo: iyo mbimenya, sinari kurenga ku mategeko.
Ariko Imana yahise ibaha isezerano ryo kubasubiza mu buzima busanzwe.
Umwana w’ikirara na we byamubayeho. Amaze gusesagura ibyo yahawe byose, yaricaye arongera yisubiramo (Luka 15:17) — icyo gihe umuntu yibwira ati: iyo mbimenya, sinari gufata iyi nzira.
Nyamara se yari amutegereje ngo amusubize agaciro ke.
Petero amaze guhakana Yesu gatatu, yararize cyane (Luka 22:62). Umutima we wari urimo kuvuga uti: « iyo mbimenya… »
Ariko Yesu ntiyamutaye, yarongeye amusubiza mu murimo we (Yohana 21:15–17).
Izi nkuru zose zerekana ko kwicuza atari iherezo.
Bibiliya ivuga iti:
“Agahinda ko mu buryo bw’Imana gatera kwihana kuticuzwa, na ko kukazana agakiza…”(2 Abakorinto 7:10) — umubabaro uduha amahirwe mashya aho kuducira urubanza.
Kandi Imana isezerana iti:
“Nzabashumbusha imyaka inzige zariye, n’iyariwe n’uburima n’ubuzikira na kagungu, za ngabo zanjye zikomeye nabateje.”(Yoweli 2:25)
Nta mateka mabi Imana itabasha gukiza.
Aho kugira ngo dukomeze kuba muri “iyo mbimenya”, Imana iduhamagarira gushaka ubwenge bwo kutazongera gukora amakosa mu bihe biri imbere:
“Niba hariho umuntu muri mwe ubuze ubwenge, abusabe Imana iha abantu bose itimana, itishāma kandi azabuhabwa.”(Yakobo 1:5)
ISENGESHO:
Mwami, fata kwicuza kwanjye uguhindure intangiriro nshya.
Urakoze kunsubiza ibyo nataye no kumpa ubwenge bwo gukomeza ntinya.
Mu izina rya Yesu, Amen.
Intumwa Dr Jean-Claude SINDAYIGAYA