Yesu akunda abantu, nabo bakikundira Satani!
Yesu ahamagara abantu, nabo bakigira kwa Satani!
Yesu aringinga abantu, nabo bakinginga Satani!
Yesu avuga ati « ni mugende mw’isengero », abantu bakigira mu mazu ya Satani kwikorera ivyaha!
Yesu avuga ati « ingo mu muco », abantu bakigira mu mwijima!
Yesu avuga ati « ingo umpimbaze », abantu bakigira kurahira ibishegu no n’imvugo z’ibiterasoni!
Yesu araza ati « reka ndabahobere », abantu bakanka, bagahobera Satani n’isi!
Birababaje cane, kandi biratey’agahinda.
Biranagoye kwihangana iyo ukunda cane ariko uwo ukunda atavyumva ngo abihe agaciro.
Ntivyumvikana!
Twebwe twahisemwo Yesu Kristo kubera atanga(Abaroma 5:12-21):
1. Ubuzima mu mwanya w’urupfu (umurongo wa 12-14,17,18,21),
2. Ubuntu mu mwanya w’icaha (umurongo wa 12,15,17,19,20),
3. Gutsindishirizwa mu mwanya wo gucirwakw’iteka (umurongo wa 14-19),
4. Agakiza mu mwanya wo kuba abaja (umurongo wa 20-21).
IGISABISHO:
Uhoraho Mana yacu, duhe ubgenge bwo guhora duhitamwo Yesu muvyo dutegekanya gukora no muvyo dukora vyose.
Ni mw’izina ridasanzwe ry’umwana wawe Yesu kristo tubisavye tuvyizeye, Amen.
THE LION OF JUDAH MINISTRY IN THE WORLD©
thelionofjudahmission@gmail.com
☏: +250730900900
KIGALI – RWANDA