Kenshi abantu biyumva nabi iyo bavuze “Oya.”
Barihutira kwiyumvira ibisobanuro, kwisigurira, canke gusaba imbabazi — kuko batinya kubabaza abandi.
Ariko tumurikiwe n’umuco w’Imana, tubona ko kuvuga “Oya” bishobora kuba igikorwa co kwumvira, c’ubwenge, no gukingira urugendo rwacu rwo mu buryo bw’impwemu.
1. YESU UBWIWE YARAVUZE “OYA.”
Satani igihe yashaka kugerageza Yesu mu bugaragwa, Yesu ntiyigeze aganira nawe canke ngo yoroshe inyishu. Yavuze gusa ati:
“Vyanditswe ng’ Usenge Uhoraho, Imana yawe, abe ari yo usaba yonyene.”(Luka 4:8)
Aho yari avuze “Oya” ikomeye — idakeneye insiguro.
Yesu yahagaze ku kuri kw’Imana.
2. EGO YANYU IBE EGO, OYA YANYU IBE OYA
Yesu yigishije ati:
“Ijambo ryanyu ribe Ego, ego; Oya, oya: ikirenze ivyo kiva kuri wa Mubi.”(Matayo 5:37)
Umwana w’Imana ntasabwa gusigura cane.
“Oya” isobanutse ishobora kuba intahe yo kwubaha Imana no kuyumvira.
3. AKAMARO K’UBURIMBI NTARENGWA
Yozefu igihe yageragezwa n’umugore wa Potifari, yaravuze ati:
“Noshobora nte gukora icaha kingana girtyo, ngacumura ku Mana?”(Itanguriro 39:9)
“Oya” ya Yozefu yaramukingiye kazoza kiwe.
Hari igihe “Oya” yawe iba itari iy’uwo musi gusa — ahubwo iba ari n’iy’ejo.
4. KUVUGA OYA KU CAHA NI UKWEMERERA IMANA EGO
Tito 2:11-12 haratwibutsa hati:
“Kuk’ ubuntu bg’Imana bgaserutse, buzanira abantu bose agakiza, butwigisha kwikunkumura ukutubaha Imana n’ukwifuza ivy’ isi, bukatwigisha kwama tudahugumba, tugororoka, twubaha Imana, mu gihe ca none.”
Ubuzima bwa gikirisu bwubakwa n’ivyo twemera be n’ivyo twanka.
Buri “Oya” yo mu kuri irongera inguvu mu rugendo rwacu na Kristo.
Kuvuga “Oya” si ukwubahuka, si n’ukubura urukundo — rimwe na rimwe n’ijambo ryera cane ushobora kuvuga.
“Oya” isobanutse kandi ikomeye irashimisha Imana, ikarinda umutima wawe, kandi ikunyurana n’ubwoba bwo gishimisha abantu.
IGISABISHO:
Uhoraho Mwami Imana yacu, duhe ubutwari bwo kuvuga OYA aho bikenewe, n’ubwenge bwo kuvuga EGO aho utuyobora kubivuga. Amajambo yacu abe ayashinze imizi mu kuri kwawe, ntashore imizi mu bwoba bwo kunezereza abantu.
Tubisavye mw’izina ridasanzwe ry’umwana wawe Yesu Kristo, Amen.
Intumwa Dr Jean-Claude SINDAYIGAYA