Imana yaturemeye kubaho mu mibanire.
Nta muntu n’umwe wahamagawe kubaho yitaruye abandi.
Hagati y’imitima, Imana yashyizeho ibiraro bitagaragara: urukundo, ukwizerana, imbabazi, ukuri n’amahoro.
Ibyo biraro bituma ubuzima buhura, ibikomere bigakira, kandi ubumwe bugatembera.
Ariko ibiraro by’umutima biroroshye gusenyuka.
Ijambo rikomeye rishobora gutobora ikiraro.
Ubwibone burashobora guca intege inkingi zacyo.
Ishyari rirashobora kugirya imizi yacyo.
Kwanga kubabarira bishobora kugifunga inzira.
“Urupfu n’ubugingo biri mu bubasha bw’ururimi.” (Imigani 18:21)
Imibanire myinshi ntipfa mu munsi umwe.
Isenyuka buhoro buhoro — kubera kutitaho, gukomera k’umutima cyangwa guceceka.
Ni yo mpamvu ubwenge bw’Imana budukebura buti: rinda ibiraro byawe.
Rinda ikiraro cy’urukundo, kuko “Mugirirane iteka urukundo nyarwo, kuko urukundo rubabarira ibyaha bitabarika.” (Petero, iya 1 4:8).
Rinda ikiraro cy’imbabazi, kuko ijambo ry’Imana rivuga riti: “mubabarirane” (Abanyakolosi 3:13).
Rinda ikiraro cy’amahoro, kuko ijambo ry’Imana rivuga riti: “Niduharanire ibishyigikira amahoro n’ibidufasha guterana inkunga.” (Abanyaroma 14:19).
Imana ubwayo ni umurinzi w’ibiraro.
Icyaha cyari cyacukuye icyuho kinini hagati y’Imana n’umuntu, ariko urukundo rwubaka umusaraba. Nuko umusaraba uba ikiraro cy’ubwiyunge.
“Imana ubwayo ni yo yiyunze n’ab’isi bose muri Kristu.” (2 Abakorinto 5:19)
Niba Imana irinda ikiraro hagati yayo natwe, ni gute twasenya ibiraro dufitanye n’abandi?
Uyu munsi, Umwami ashobora kuba akubwira ati:
Ntureke ikiraro cy’agaciro ngo gisenyuke.
Sanura icyacitse.
Komeza icyacitse intege.
Rinda igihagaze.
Aho ibiraro bikiri, imitima ishobora kongera guhura.
Kandi aho imitima ihuriye, Imana irahakora.
Rinda ibiraro byawe.
ISENGESHO
Mwami, nyigisha kurinda ibiraro washyize mu buzima bwanjye.
Rinda umutima wanjye ubwibone, ubukana n’umutima utababarira.
Mpa kwicisha bugufi gusana ibyacitse n’urukundo rwo kurinda iby’agaciro.
Ngira umunyamahoro,
nk’uko umutima wawe uteye.
Amena.
Intumwa Dr Jean-Claude SINDAYIGAYA