“Za ngabo zigezeyo Elisa yinginga Uwiteka ati “Ndakwinginze huma amaso y’izi ngabo.” Uwiteka aherako azihuma amaso nk’uko Elisa yasabye.”(2 Abami 6:18)
Iyo Imana ishaka kurinda abana bayo, ntihita irimbura abanzi babo — ahubwo ibahindura abatabona.
Byabaye kuri Elisa, ubwo ingabo zashakaga kumufata, Imana izihuma amaso kugira ngo zimubure.
Imana ishobora gushyira “amashami y’amahembe” mu maso y’abanzi bawe, kugira ngo batakubona, batakumenya, kandi batagukoraho.
Dawidi yasengaga ati:
“Abashaka ubugingo bwanjye bamware bagire igisuzuguriroAbajya inama yo kungirira nabi basubizwe inyuma,Baterwe ipfunwe.”(Zaburi 35:4)
Imana izi guhindura imigambi y’abanyabyaha no guhisha abayo munsi y’igitereko cyayo.
Iyo iguhishe, uba nk’utagaragara n’iyo waba uri mu rumuri.
Ntutinye rero — Imana yawe irakurwanirira, rimwe na rimwe ikabikora mu buryo butaboneka n’abantu.
Abashakaga kugusenya ntibazigera bamenya uko wabacitse, kuko Imana yari yabahumye amaso ngo igukize.
“Abantu igihumbi bazagwa iruhande rwawe,Abantu inzovu bazagwa iburyo bwawe,Ariko ntibizakugeraho.”(Zaburi 91:7)
Intumwa Dr. Jean-Claude SINDAYIGAYA
Umutangabuhamya w’ubuntu bukiza