« Munezerwe imisi yose. »
(1 Ab’i Tesalonike 5:16)
Ijambo ry’Imana riduhishurira ukuri gusanzwe ariko kw’ijunja: umunezero ni wo ukwiriye kuba impwemu iganza mu buzima bw’umukristo.
Uwo munezero ntushingiye ku bihe bica bigenda canke bihera, ahubwo uvuka mu rukundo dufitaniye na Yesu Kristo.
Kuba “munezerewe imisi yose” bisobanura kwemera ko Imana ari iyo kwizigirwa n’iyo turi mu vyago vy’ubuzima.
Bisobanura guhitamwo kwizigira Imana aho gutsindwa n’ibigeragezo.
Umunezero nyakuri ni ivyamwa vy’impwemu, ni inguvu ziva mu mutima zidufasha guhagarara n’aho ibintu vyose vyoba bitifashe neza.
Paulo yanditse aya majambo ari mu makuba no mu gutotezwa. Yamara yari amaze kumenya ibanga ry’umunezero: guhanga amaso kuri Kristo aho kwihweza ibihe.
Ni co gituma umunezero w’abakristo utazimira nk’ivyiyumviro, ahubwo uhoraho nk’icizigiro cashinze imizi mu Mana.
Uno munsi, hitamwo kunezerwa! S’uko ibintu vyose vyifashe neza, ariko kuko uzi ko ubuzima bwawe buri mu minwe y’Imana. Numenyere gukenguruka, kandi uzobona umunezero wuzura mu mutima wawe n’iigihe uzoba uri mu mwiza mwinshi.
Intumwa Dr Jean-Claude SINDAYIGAYA