«Ku rutambiro, hagomba guhora haka umuriro ubutazima.»
(Abalevi 6:6, Bibiliya Ntagatifu)
Mu gitabo cy’Abalevi igice cya 6, Imana yahaye abaherezi itegeko risobanutse kandi rikomeye: Umuriro wo ku rutambiro, uzahore ucanye ubutazima.
Buri munsi wagombaga kwitabwaho neza: Buri gitondo, umuherezabitambo azajye awukoranyirizaho inkwi, arambikeho igitambo gitwikwa, atareho inyama ziriho ibinure z’ibitambo by’ubuhoro, hagakurwamo ivu, hagakurikiranwa n’ubwitange.
Uwo muriro ntiwari uwo kwerekana gusa. Wagaragazaga kubana kw’Imana n’abantu, ubwera bwayo, n’isano ibaho kandi ikora hagati y’Imana n’ubwoko bwayo.
Ariko uwo muriro wari ufitanye isano n’inshingano zo mu by’inyifato.
Mbere yo kuvuga iby’umuriro, Imana yabanje kuvuga iby’icyaha, gusubiza ibyangijwe, n’ubwiyunge.
Ibi bitwereka ukuri gukomeye: umuriro w’Imana ntushobora kugumana n’umutima wirengagiza ubutungane, ukuri n’ukwihana.
Umuriro ubitse mu mutima utaboneye ugenda uzima buhoro buhoro.
Imana ntinyurwa n’ibikorwa byo hanze gusa ; ireba umutima.
Mu Isezerano rya kera, umuriro wagombaga guhora ucanye ku rutambiro rw’ibitambo.
Wahoraga wibutsa abantu ko:
•icyaha kibaho,
•ubutungane bw’Imana ari ubwera kandi busaba byinshi,
•kandi ko imbabazi zigira igiciro.
Ariko uwo muriro wasabaga kwitabwaho buri munsi, kuko ibitambo byari bidatunganye kandi bigasubirwamo.
Yesu Kristo amaze kuza, urutambiro rwarahindutse, ariko umuriro warakomeje.
Igitambo ntigisubirwamo: Kristo yitanze rimwe rizima.
Urutambiro ntirukikiri amabuye: cyahindutse umutima w’umuntu.
Umuriro ntukicanwa n’ibitambo bisubirwamo: ucanwa n’ubuntu bw’Imana.
Umuriro ntukiri uw’ibigaragara: ni Mwuka Wera uba muri twe.
«Ubwo se ntimuzi ko muri ingoro y’Imana, kandi ko Roho w’Imana abatuyemo?»
(Abanyakorinti, iya 1 3:16, Bibiliya Ntagatifu)
Muri iki gihe, umuriro urazima iyo:
•ukwihana guhindutse amagambo gusa nta mpinduka yo mu mutima,
•ubuntu bw’Imana bukoreshwa mu guhunga ukuri,
•ukwizera guhindutse umuco gusa nta rukundo.
Ariko umuriro uragurumana iyo:
•umutima uguma wicisha bugufi,
•umutimanama uguma utyaye,
•urukundo ku Mana no ku bandi rukomeza kuba ruzima.
Umuriro ntuzime na rimwe ku gicaniro cyawe.
Si kubw’imbaraga zawe, ahubwo ni kubw’umubano muzima na Kristo.
Si kubw’ubwoba bw’urubanza, ahubwo ni kubwo gushimira ubuntu bw’Imana.
Kuko umutima wakozweho n’igitambo gitunganye uhinduka igicaniro kizima, aho umuriro w’Imana ukomeza kugurumana.
ISENGESHO
Mwami,
Wacanye mu mutima wanjye umuriro w’ubuntu bwawe binyuze muri Yesu Kristo.
Rinda umutima wanjye ugume uboneye, wumva kandi wizerwa.
Nyigisha kugendera mu kuri, mu kwihana no mu rukundo,
kugira ngo umuriro utazima na rimwe ku rutambiro rw’ubuzima bwanjye.
Amen.
Apôtre Dr Jean-Claude SINDAYIGAYA