Akenshi ikosa rito rituma umutima w’umuntu wibagirwa imyaka myinshi y’ineza yakorewe.
Ijambo rimwe ry’akababaro cyangwa kutumvikana bihita bisiba byose.
Ni intege nke y’umutima: wibagirwa vuba ibyiza ukorerwa.
«Urukundo …rubabarira byose, rwizera byose, rwiringira byose, rwihanganira byose.» (1 Abakorinto 13:5-7)
Kenshi ducira abandi urubanza vuba iyo batabashije kuzuza ibyifuzo byacu.
Tukibagirwa ibyo badukoreye byiza, amasengesho yabo, n’ubudahemuka bwabo.
Nyamara Ijambo ry’Imana ridushishikariza kutibagirwa ibyiza twagiriwe n’Imana ndetse n’abantu.
Umwanditsi wa Zaburi yaririmbye agira ati:
“Mutima wanjye himbaza Uwiteka,Ntiwibagirwe ibyiza yakugiriye byose.” (Zaburi 103:2)
Ingero za Bibiliya:
Abisirayeli bibagiye Imana yabakijije mu Misiri.
«Bibagirwa Imana Umukiza wabo,Yakoreye ibikomeye muri Egiputa.» (Zaburi 106:21)
Petero yahakanye Yesu, ariko Yesu ntiyamwibagiwe.
«Umwami Yesu arakebuka yitegereza Petero, nuko Petero yibuka amagambo Umwami yari yamubwiye ati “Uyu munsi inkoko itarabika, uri bunyihakane gatatu.”» (Luka 22:61)
Yozefu yagiriwe nabi n’abavandimwe be, ariko yarabababariye.
«Ku bwanyu mwari mushatse kungirira nabi, ariko Imana yo yashakaga kubizanisha ibyiza…» (Intangiriro 50:20)
Urukundo nyakuri ntirwibagirwa; rufata mu mutima ibyiza.
Umugenzi w’ukuri ntahunga mu gihe cy’amakuba, ahubwo ahora hafi.
«Incuti zikundana ibihe byose,Kandi umuvandimwe avukira gukūra abandi mu makuba.» (Imigani 17:17)
ISENGESHO:
Mwami,
Nyigisha kwibuka ibyiza,
no gukunda n’igihe abandi bananiwe.
Shyira mu mutima wanjye ishimwe n’imbabazi, nk’uko biri mu mutima wawe.
Amen.
Intumwa Dr Jean-Claude SINDAYIGAYA