Umukristo wese agomba kugirana umubano mwiza n’Imana.
Nubwo iyi mibanire y’umuntu n’Imana itandukanye ku bantu, twese dusangiye inkingi zerekana umubano mwiza n’Imana:
1. Kwihana:
Kugirango dukomeze umubano mwiza n’Imana, tugomba kwihana niba tuguye mu byaha.
Imana irera (Zaburi 99: 5) kandi ntabwo yihanganira icyaha.
Mubyukuri, kuva tuvuka ubwa kabiri, icyaha ntigishobora kutwica (Abaroma 8: 2), ariko kigabanya ubusabane bwiza dufitanye n’Imana n’ubwo kidashobora gukuraho ko turi abana b’Imana.
2. Gusenga no Kumva Imana:
Uburyo dufite bwo kuvugana n’Imana ni ugusenga.
Iyo ubusabane bumeze NEZA, tuvugana byinshi n’Imana Kandi tuyivugisha Kenshi. Ariko nayo ihora ishaka ko tuyumva iyo ituvugishije. Tugomba rero kuyumva niba tuyubaha.
Turashobora kuyumvira mu Ijambo ryayo, ariko dushobora no kuyumvira ku Mwuka Wera. Niba yaraduhaye Umwuka Wera, ni kugira utuvugishe, utuburire, utumurikire, utwimure, utuyobore (Yohana 16:13).
3. Kumenya Imana:
Uko tugenda dutera imbere mu mibanire yacu myiza n’Imana, niko itwiyereka, noneho tukayimenya.
Kumenya Imana rero ni ukubona ukubaho kwayo kwa buri munsi mubuzima bwacu.
« Ibyawe nari narabyumvishije amatwi,Ariko noneho amaso yanjye arakureba. »(Yobu 42:5)
Muri uyu murongo, ntabwo ari ukubona gusa, ahubwo ni no gutekereza, kwibonera Imana n’amaso y’umutima wacu.
4. Kumvira Imana:
Imana ikunda kumvwa kuruta ibindi byose.
« Mbese Uwiteka yishimira ibitambo byoswa n’ibindi bitambo kuruta uko yakwishimira umwumviye? Erega kumvira kuruta ibitambo, kandi kwitonda kukaruta ibinure by’amasekurume y’intama. »(1Samweli 15:22)
Kumvira ni ukumvira ubushake bw’Imana mubice byose by’ubuzima. Kandi uku kuyoboka ntabwo ari itegeko, ahubwo biterwa no kwiringira Imana nk’umubyeyi wacu.
ISENGESHO:
Mwami Mana yacu, duhe kuguma mu mibanire myiza nawe.
Ni mu izina ry’agaciro ry’umwana wawe Yesu kristo tubisabye, Amen.
THE LION OF JUDAH MINISTRY IN THE WORLD©
thelionofjudahmission@gmail.com
☏: +250730900900
KIGALI – RWANDA