Ni ikimenyetso kibi kubona ko abakristo bareka amateraniro yo kucyumweru kubera izindi gahunda zitayaruta akamaro, nka siporo, gusohoka mu muryango, sauna, massage, n’ibindi.
« Twe kwirengagiza guteranira hamwe nk’uko bamwe bajya bagira… »*(Abaheburayo 10:25)
Mu materaniro yacu, twumva Ijambo ry’Imana, twakira ubuzima bwa Kristo kandi twubaka Itorero.
Kwirengagiza guterana ni uguhomba amagambo meza, yubaka ndetse n’ubuhanuzi buva ku Mana bugirira akamaro ubuzima bwacu.
Kwirengagiza guterana ni n’uburyo bwo kubangamira ubumwe bw’itorero cyangwa umubiri wa Kristo.
Kandi mu by’ukuri, inyuma yo kwirengagiza guterana hihishe umwuka mubi wa Satani wo gucamo ibice itorero, kuko atinya ubumwe bw’abakristo n’imbaraga z’amasengesho yabo.
Jya guterana!
ISENGESHO:
Mwami Mana yacu, duhe imbaraga zo kurwanya ibintu byose bitubuza kwitabira amateraniro atandukanye y’amatorero yacu.
Ni mu izina ry’agaciro ry’umwana wawe Yesu Kristo tubisabye, Amen.
THE LION OF JUDAH MINISTRY IN THE WORLD©
thelionofjudahmission@gmail.com
☏: +250730900900
KIGALI – RWANDA