Imvugo y’Igiheburayo אֶצְבַּע אֱלֹהִים (etsbah elohim) – “urutoke rw’Imana” – iboneka gake mu Vyanditswe vya Isiraheli.
Akarorero kambere kaje inyuma y’aho Aroni akubitiye hasi mu mukungugu inkoni yiwe, imibu igaca yuzura Egiputa yose.
“Abanyamareba” ba Farawo (חַרְטֻמִּים; hartummim) babonye ko bibababiye kuvyigana, baratatse bati: “Ni urutoke rw’Imana!” (אֶצְבַּע אֱלֹהִים הִוא; etsbah elohim hi ‘).
« Uhoraho abarira Mose, ati Bgira Aroni, uti Manika inkoni yawe, ukubite umukungugu wo hasi, uhinduke imibu mu gihugu cose ca Egiputa. Babigira bartyo; Aroni amanika ukuboko kwiwe gufashe ya nkoni, akubita umukungugu wo hasi, imibu iba ku bantu no ku bitungwa; umukungugu wose wo mu gihugu cose ca Egiputa uhinduka imibu. Abanyamareba bakoresha amareba yabo ngo barekure imibu, ntibabishobora; nukw imibu iba ku bantu no kubitungwa. Maz’ abo banyamareba babarira Farawo, bat’ Ibi bitewe n’urutoke rw’Imana. »(Kuvayo 8:16-19)
Ivyo bisigura ko kuva aho abanyamareba ba Farawo bananiriwe kwigana igitangaza bari babonye, baciye bemera ko ari ubushobozi bw’Imana bubikoze.
Aroni akubita “umukungugu” (עָפָר; kure) atwibutsa Imana irema umuntu wa mbere imukuye mu “mukungugu”.
Mu gitabu co Kuvayo, “urutoke rw’Imana” rwongeye gushushanya ibiremwa biva mu mukungugu – ariko ico gihe ntikwari ukurema umuntu, wari umwanya wo guhana Farawo.
Igitabu co Kuvayo kirashimangira iyi shusho y urutoke ruhambaye rwo mw’ijuru aho kivuga ko amategeko yanditse ku “bisate vy’amabuye yanditswe n’urutoke rw’Imana”.
« Uhoraho amaze kubonanira na Mose kur’ uwo musozi Sinayi, amuha ibisate bibiri vyanditswekw Ibishinga intahe, ivyo bisate vyar’ ivy’ amabuye, vyanditsweko n’urutoke rw’Imana. »(Kuvayo 31:18)
Mw’Isezerano Risha, inkuru nziza ya Luka irongera igakoresha imvugo yo mu gitabu co Kuvayo, igihe Yesu yasenda abadayimoni!
« Arik’ urutoke rw’Imana (δακτύλῳ θεοῦ, daktūlo theou) ni rwaba ari rwo runshoboza gusenda abadayimoni, noneh’ ubgami bg’Imana burabashikiriye. »(Luka 11:20)
N’imwe mu nyishu Yesu yasubije abariko baramwagiriza kwirukana abadayimoni ku bubasha bwa Beelzebul (Satani).
Igice nk’iki kiboneka no muri Matayo 12:28, aho « Mpwemu w’Imana » akoreshwa mu mwanya wa « urutoke rw’Imana. »
Imana iri hafi yawe
nk’uko Imana yagize uruhare mu gutabara Abisiraheli muri Egiputa no mu kwandika amabaruwa ya Torah mw’ibuye, Umwami yarambuye urutoki rw’Imana mu gihe ca Yesu kugira ngo akize abantu abadayimoni.
Dukurikije Bibiliya, urutoki rw’Imana ruhindura umukungugu, rukandika ku mabuye, kandi rugasenda abadayimoni, n’imbaraga z’Imana.
Nkwifurije kubona urutoki rw’Imana rukora mu buzima bgawe.
Intumwa Jean-Claude SINDAYIGAYA