«Ni cyo gituma dukomera umutima iteka, kandi tukamenya yuko iyo turi iwacu mu mubiri, tuba dutuye kure y’Umwami wacu.» (2 Ab’i Korinto 5:6)
Kuba mu mubiri bisobanura kuba tukiriho muri ubu buzima bwo ku isi. Ariko ntibisobanura ko tugomba kuba kure y’Imana mu mibanire yacu na Yo.
Ikibabaje ni uko hari abantu benshi bakiriho ku mubiri, ariko mu buryo bw’umwuka baratandukanye n’Umuremyi wabo. Batwarwa cyane n’imihangayiko y’ubuzima, ibyifuzo byabo, ibinezeza byo mu isi n’inyungu zabo bwite, kugeza ubwo bibagirwa Imana yabahaye ubuzima.
Ntukemere ko ibibazo byo mu isi, ibyifuzo byawe cyangwa gushaka inyungu bikubuza kugirana ubusabane n’Imana, ari Yo mugenga w’ibihe bidashira!
Igihe cyose ukiri muri uyu mubiri, shaka kubana n’Imana, ugendere mu kwizera, wumvire Ijambo ryayo kandi uhore wihatira kuyishimisha.
Uracyari ku isi, ariko umutima wawe ukwiye kuba waramaze kwerekeza mu ijuru!
ISENGESHO:
Mwami, mfasha kubaho kuri iyi si ntakwitandukanya na We.
Ujye ufasha umutima wanjye guhora ukwegereye kandi uhamye muri Wowe.
Ubuzima bwanjye bwose buhore bugushimisha.
Amen.
Shalom!
Intumwa Dr. Jean-Claude SINDAYIGAYA
THE LION OF JUDAH MISSION IN THE WORLD
