Ijambo ry’Imana ritubwira kumenya ivyo tubwira abantu.
« Urinda akanwa kiwe azigama ubugingo bgiwe, Arikw ikirofoke kizoranduka. »(Imigani 13:3)
Ikirofoke n’umuntu avuga menshi kandi atitondera ivyo avuga. Iyo tubikoze, tuba twikwegeye ingorane.
Ng’ibi ibintu bitanu tudakwiye na rimwe kubwira abantu:
1. Imigambi yacu:
Nitwabwira abantu imigambi yacu, bazoyica.
2. Intege nke zacu:
Nitwabwira abandi intege nke zacu, bazovyitwaza mu kuturwanya.
3. Ivyatunaniye:
Nitwabwira abantu ivyatunaniye, bazohora batubona nk’abantu ataco dushoboye kandi ntibazosubira kutwizera ngo bagire ico badushinga.
4. Amabanga yacu:
Ntituzobwire abantu amabanga yacu. Ibipfapfa nivyo bihishura amabanga yavyo. Nitwahishurira abantu amabanga yacu, bazamenya uko batugirira nabi.
5. Amafaranga twinjiza:
Nitwabwira abantu amafaranga twinjiza, ishari n’inzigi bizobatuma bashaka kudutandukanya n’inkomoko y’amafaranga twinjiza.
IGISABISHO:
Dawe wa twese uri mw’ijuru, duhe ubwenge n’ubushobozi bwo kurinda umunwa.
Ni mw’izina ridasanzwe ry’umwana wawe Yesu kristo tubisavye, Amen.
THE LION OF JUDAH MINISTRY IN THE WORLD©
thelionofjudahmission@gmail.com
☏: +250730900900
KIGALI – RWANDA