“Uwiteka ahira Yobu ubwa nyuma kuruta ubwa mbere…” (Yobu 42:12)
Yobu yahuye n’ibyago byinshi bikurikirana, atakaza ibyo yari afite byose kandi by’agaciro kuri we. Nyamara ntiyaretse ibyiringiro bye.
Mu mibabaro ye, yakomeje kugumana n’Imana.
Nubwo atasobanukirwaga n’ibyamubagaho, yakomeje kwiringira Uwiteka.
Igihe ikigeragezo cye cyarangiraga, Uwiteka Imana yamugaragarije ubuntu bwayo. Yahaye umugisha iherezo rye kuruta intangiriro ye. Ntiyamuhaye gusa ubutunzi bwikubye kabiri ubw’ubwo yari afite mbere, ahubwo Yobu yongeye kubaho imyaka ijana na mirongo ine. Yabonye abana be n’abuzukuru be kugeza ku rubyaro rwa kane. Hanyuma apfa ageze mu zabukuru kandi anyuzwe n’iminsi yabayeho.
Inkuru ya Yobu itwibutsa ko, ndetse no mu bihe by’umubabaro ukomeye cyane, nta mpamvu yo gucika intege.
Ni ukuri ko iyo duhuye n’ibigeragezo bikomeye, dushobora kwiheba cyangwa gucika intege.
Ariko niba dukomeza kugumana n’Imana no kuyiringira nka Yobu, izadushyigikira kandi idutabare nk’uko ubushake bwayo butunganye bubiteganya. Ntizigera idutererana, kuko Imana ihora ari iyo kwizerwa ku bayiringira kandi bakayikomeraho.
Nubwo ubuzima bwacu bwasa n’ubwijimye, butagira icyizere cyangwa icyerekezo, Imana ishobora kubuhindura bukamera nk’ubusitani bwiza burimo ubuzima, ubwiza n’impumuro nziza.
Iyo turi kumwe n’Imana, ijoro ntiriba iry’iteka ryose. N’igihe tutabona aho inzira iva cyangwa igisubizo cy’ibibazo byacu, Imana ikomeza kuba Iyigarurira abantu imbaraga, ikabegura kandi ikabasubizamo ibyiringiro.
Ni yo mpamvu buri gihe dufite impamvu yo kugira ibyiringiro, ndetse no mu bihe bikomeye kurusha ibindi byose.
Nidukomeze kugumana n’Imana kandi tuyibere indahemuka hagati mu bigeragezo. Izadutwara mu maboko yayo, idukomeze kandi ituyobore kugeza ku isohozwa ry’imigambi yayo myiza ku buzima bwacu.
ISENGESHO:
Mwami Mana yacu, dufashe gukomeza kugira ibyiringiro no kugumana nawe mu bihe byose. Igihe ibigeragezo bitugezeho, komeza ukwizera kwacu kandi wongere kutwuzuzamo icyizere mu rukundo rwawe no mu budahemuka bwawe.
Tubisabye mu izina ry’igiciro cyinshi rya Yesu Kristo. Amen.
Intumwa Dr Jean-Claude SINDAYIGAYA