«Umuntu wese agandukire abatware bamutwara, kuko ari nta butware butava ku Mana, n’abatware bariho bashyizweho n’Imana.»
(Abaroma 13:1)
Umunyagihugu mwiza ntasenya igihugu cye abitewe n’urwango. N’iyo yaba atavuga rumwe n’abandi, aharanira amahoro n’icyagirira igihugu akamaro.
Iyo atemeranya na Perezida w’igihugu cye, ntamwibasira, ntamusebya kandi ntamutuka. Ashobora kugaragaza ibyo atemeranyaho na we mu kinyabupfura, kuko Bibiliya igira iti:
«Ntukavuge nabi umutware w’ubwoko bwawe.»
(Ibyakozwe n’Intumwa 23:5)
Kubaha ubutegetsi ntibivuga kwemera ibyo bukora byose. Ahubwo, bisaba kumenya kutavuga rumwe n’abandi utabanje kubanga, kunenga utatukana no kuvuganira ukuri utabangamiye amahoro.
Kunda igihugu cyawe.
Korera igihugu cyawe.
Ubahiriza amategeko.
Wubahe ubutegetsi.
Kandi ukomeze kubera Imana indahemuka.
Shalom.
Intumwa Dr. Jean-Claude SINDAYIGAYA
THE LION OF JUDAH MISSION IN THE WORLD