Ijambo ry’Imana ridusaba gukora ivyiza tudacitse intege.
«Twame dukora ivyiza, ntiducobogore, kukw igihe ni cashika tuzokwimbura, ni tutarambirwa.» ( Ab’i Galatiya 6:9 )
Naho abo tugirira neza boba badakenguruka ineza tubagirira canke boba badusubiza ikibi ku ciza twabagiriye, ntibikwiriye kuduca intege, dukwiriye guhora dukora iciza uko biri kwose.
Nta kintu na kimwe gikwiye kuduca intege mu gukora ivyiza, kuko Imana ishaka ko twama tubikora, nayo ikadusukako imihezagiro ku vyiza vyose dukora.
IGISABISHO:
Mukama Mana yacu, duhe ubutwari bwo guhora dukora ivyiza. Ni mw’izina ridasanzwe ry’Umwana wawe Yezu Kristo tubisavye. Amen.
Intumwa Dr. Jean-Claude SINDAYIGAYA