Niba utinya urupfu, dore inkuru nziza: Urupfu nta bubasha rugifite ku buzima bwawe kuva Yesu yarutsinda akazuka.
« Kuko tuzi yuko Kristo amaze kuzuka atagipfa, urupfu rukaba rutakimufiteho urutabi. »(Abaroma 6:9)
Izuka rya Yesu ni ubwambere mu mateka umuntu yazutse mu bapfuye ntazongere gupfa. Abandi bantu bazutse byarangiye bapfuye ubugira kabiri (reba 1 Abami 17:17-24; 2 Abami 4:32-37; Mariko 5:39-42; Yohana 11:38-44).
Izuka rya Yesu ryabaye intsinzi y’ukuri ku rupfu.
Niba rero wizera uyu Yesu watsinze urupfu, ntuzongere gutinya, urupfu ntiruzashobora kugufata nk’uko rutamufashe ikuzimu (soma Ibyakozwe 2:24), uzozuka wongere ubeho mu bugingo buhoraho (Soma Yohana 3:16).
Na Yesu ubwe arabyemeza. Avuga ati:
« Ni jye kuzuka n’ubugingo, unyizera naho yaba yarapfuye azabaho. »(Yohana 11:25-26)
ISENGESHO:
Mwami Mana yacu, duhe kutazongera gutinya urupfu.
Ni mu izina ry’agaciro ry’umwana wawe Yesu kristo dusenze, Amen.
THE LION OF JUDAH MINISTRY IN THE WORLD©
thelionofjudahmission@gmail.com
☏: +250730900900
KIGALI – RWANDA